JINA LA FILIKUNJOMBE LATUMIKA KUTAPELI WATU NJOMBE

Bw. NICHOLAUS PIUS MWINUKA ambaye ni Mmoja kati ya walemavu wawili waliopatiwa msaada wa baiskeli  kutoka kwa mbunge Deo Filikunjombe .

Jina la mbunge wa   jimbo la Ludewa  Deo Filikunjombe limeendelea  kutumiwa  vibaya na  wananchi wa mkoa wa Njombe ambao  wameanza kulitumia jina  hilo  kufanyia  vitendo vya utapeli mtandao huu  umebaini.

Imedaiwa kuwa matapeli hao  wamekuwa  wakitumia jina la mbunge  huyo Deo Haule Filikunjombe  kwa kupigia  watu simu na  kuomba  kutumiwa  fedha jambo ambalo ni sawa na utapeli  wa kutupwa .

Katika  uchunguzi  uliofanywa na mtandao huu  wa www.francisgodwin.blogspot.com unaonyesha  kuwa baadhi ya  watu tayari  wamekwisha lizwa na utapeli huo ambapo  matapeli  hao  wamekuwa  wakijitambulisha kuwa  wao ni Deo Haule Filikunjombe japo  si kweli.

Hadi sasa tayari  watu kadhaa wamelizwa kupitia  jina la mbunge huyo na kuwa  wapo waliosajili namba zao kama Deo Haule kumbe ni matepeli na mmoja kati ya  walionusurika kutapeliwa ni pamoja na mkurugenzi  wa kituo cha radio Njombe ambae alionyesha  kushitukia utapeli huo .

Kwa upande  wake mbunge Filikunjombe amewataka  wananchi kuwa makini na utapeli huo na kuwa hana kawaida ya kutumia mtu  kuazima  pesa na kuwataka  wananchi wasikubali kuamini mazungmzo ya kwenye simu ambayo hutumiwa na matapeli  hao .

Filikunjombe  pia amewapa pole  wale  wote waliotapeliwa na matapeli hao na  kuwataka  kuwa makini na utapeli huo .