MWAMWINDI AWAKANA SIMBA, ANNA KILANGO

na Francis Godwin, Iringa

MWENYEKITI wa Jumuiya ya Umoja wa Wanawake (UWT) ya Chama cha Mapinduzi (CCM) Mkoa wa Iringa, Zainab Mwamwindi amesema kuwa amejitosa kutetea nafasi hiyo pasipo kushinikizwa na wagombea wa ngazi ya Taifa, Sophia Simba na Anne Kilango Malecela.

Akizungumza na Tanzania Daima, Mwamwindi alisema kuwa makundi ndani ya CCM, ndio yanachangia kuua chama na kwamba wanaogombea uongozi kwa nguvu hiyo na kutumika kama wapiga debe wao, wanafanya makosa.

Kwa mujibu wa Mwamwindi, alionya wanachama wanaoingia katika nafasi mbalimbali za uongozi kupitia makundi akisema, ni hatari.

Akizungumzia wale wanachama wa UWT wanaojiunga na upinzani, aliwaasa wasifanye hivyo kwa kuwa CCM bado ni chama imara.

Mbali ya Mwamwindi, wengine walioomba nafasi hiyo katika mkoa wa Iringa ni Nicolina Lulandala ambaye ni mwenyekiti wa UWT Wilaya Iringa Mjini na Augusta Mtemi.

Chanzo: Tanzania Daima